لا تفوتكم قوالب الكنافة يمي يمي

* المقادير اللي راح نحتاجها :

كيس خبز توست

زبدة أو زيت على حسب الرغبة

* مقادير الحشوة :

كاس ونصف ماء

ملعقتين حليب بودرة

4 ملاعق نشاء الذرة

علبة قشطة

* شيرة ( عاد هذي مايبغى لها مقادير أكيد كلكم طباخات وتعرفون لها )

يالله نبدأ بالطريقة على بركة الله

أولا جبت خبز التوست وقصصت أطرافه وحطيته بخلاط ست البيت حتى تفتت تماما وبعدين أضفت عليه

الزبدة أو الزيت (الكمية اللي تشوفينها مناسبة بحيث يكون الخليط ممكن يتشكل معاك بس لا تكثرين مررة حتى ماتكون دسمة زيادة)

عاد بقول لكم الصراحة أنا استخدمت زيت مالي خلق أجيب زبدة وأذوبها وبعدين أضيفها، على طول زيت يالله من فضلك ولا يبغى له كلاافة

وبالفترة هذي طرت علي فكرة التصوير وتنزيل الموضوع

وهذي أول صورة

بعدها جبت قوالب الكب كيك المربعة >> إذا ماعندك عاادي جيبي الدائرية

وبديت أحط شوي من العجينة على كل قالب وأفردها كويس على الحواف بحيث ماأخليها سميكة ولا رهيفة مررة

(طبعا نصف الكمية أو أكثر لأن الباقي راح أحتاجها بالتغطية )

وطلعتها من الجوانب حتى تتحمل الخلطة اللي راح أضيفها مثل ماتشوفون بالصورة

ولما فردت العجينة بالقوالب غطيتها وبديت أسوي الخلطة

أول شي جبت نشا الذرة وحطيت عليه تقريبا نصف فنجان ماء بارد حتى مايتكتل معاي وحركته حتى بدا يذوب وحطيته على جنب.

بعدها أخذت الحليب وأضفت له كاس ونصف ماء وحطيته على النار حتى وصل لمرحلة الغليان

وبعدين أضفت له خليط النشا بالماء البارد وحركته بسرعة حتى ما يتعقد ورفعته عن النار ومباشرة حطيت عليه علبة القشطة

وطلع لي هذا الخليط

بعدها رجعت للقوالب وأضفت تقريبا ملعقة صغيرة ونصف لكل قالب

ورجعت للعجين اللي رفعته بالبداية ووزعته فوق كل قالب بحذر ورفق حتى ما أضر الخليط الموجود

وأركز إنه مايكون فيه أي فراغ،

وهنا صورت لكم بعد ماغطيت نصف الصينية

وهنا كاملة

وبعدين دخلتها الفرن من تحت وبعد ماتحمرت فتحت عليها من فوق

( بس انتبهي مو أول ماتصير ذهبية من تحت تسكرين عنها، لا لا اصبري حتى تكون غامقة شوي بس مو تحترق لأنك

إذا قلبتيها بتكون أفتح )

ولما خلصت وطلعتها مباشرة صبيت عليها شيرة تقريبا كل قالب ملعقة ونصف >> ماتلاحظون إني مركزة على ونصف حقت الاحتياط

وهذي صورتها

وخليتها حتى بردت وبعدين قلبتها وصفيتها بصحن التقديم وزينتها بالفستق

يالله عاد سووها وعليكم بالصحة والعافية وهذا الصحن لأول وحدة ترد علي

لا تفوتكم قوالب الكنافة يمي يمي 1C149974

لا تفوتكم قوالب الكنافة يمي يمي 1C149974

يــم يــم ..

مـرهـ لـذيـذهـ ,,

يـسـلـمـوو ..

واووووووووو
كنافه ولا احلى

تسلم الايادي

[ندعوك للتسجيل في المنتدى أو التعريف بنفسك لمعاينة هذا الرابط]
بالتوفيق لك